ASUU strike update: Osodeke reject Ordinary President donation

Nigeria ASUU strike update today: Osodeke reject Ordinary President donation

Whoa this photo come from, Screen shot/Brekete Family Youtube video

Wetin we call this picture,

ASUU president, Prof. Emmanuel Osodeke on saturday for Brekete Family radio studio inside Abuja

Academic Staff Union of Universities (ASUU) leader on Saturday reject one donation to fit help end dia strike.

Nigerian public university lecturers don dey on strike since February about welfare package.

Na afta ASUU declare say dia strike go continue till August na im Berekete Family radio begin crowd funding to give di union.

So on Saturday June 11, 2022 di Abuja based radio station invite di lecturers union national president.

Host of di radio programme, Ahmad Isah dey popularly known as Ordinary President.

After him invite ASUU president, Prof. Emmanuel Osodeke and im team about to di radio station.

Drama start wen Ordinary President begin pour bundles of Naira notes for ground inside studio.

Isah say na one govnor donate di money [50million Naira] to ASUU sake or wetin dem want.

Di Human right radio campaigner bin start to raise 18 billion naira through crowd funding within two weeks from start of June 2022 for ASUU demands.

As di radio show host still dey tok, Prof. Osodeke collect mic to quickly clear two issues.

Di ASUU national president first reject this donation.

And e say dem only come to tok about why di union still dey on strike.

Di union president frown ontop di mata saying make dem no associate ASUU with such money.

“We no dey beg Federal Goment for money, but for a better funding of our universities”, ASUU President, Prof. Osodeke tok.

Then Berekete Family radio host immediately announce to suspend di intervention donation.

“I go no longer continue wit di intervention fundraising, pipo wey don contribute.

“Make dem send dia account details to us, we make refund dia money”.

Isah bin set up a special intervention bank account wit one local commercial bank.

Di aim na to raise funds for di union, with a view to ending ASUU strike.

Tori be say since ASUU strike begin all efforts to make lecturers return to classrooms don fail.

Goment action on ASUU Strike so far

For last week of May 2022, Nigeria Minister of Labour, Employment and Productivity beg ASUU and oda university-based unions to suspend dia strike.

E dey beg so dat academic activities go resume for public universities across di kontri.

Minister Chris Ngige make di appeal as e yarn tori pipo for Abuja di Nigerian capital on top di lingering strike.

E say goment don begin pay di areas of minimum wage of university and polytechnic lecturers dem across di kontri.

Di striking lecturers go strike on top dia revitalization moni, dia welfare and di implementation of dia 2009 agreement wit goment.

Ngige say goment go spend 34 billion naiara on top di minimum wage areas money wey dem no begin pay lecturers for universities and polytechnics.

Senator Chris Ngige, wey yarn tori pipo dis wan say universities go get N23.5billion Naira, polytechnics 6billion Naira and the Colleges of Education 4billion Naira.

Nigige also say National Information Technology Development Agency go don begin test di three payment platforms by Thursday.

Dem include digital Integrated Personnel and Payroll Information System (IPPIS);

Di University Transparency Accountability Solution (UTAS) or ASUU;

And di Universities Peculiar Personnel Payroll System (UPPPS) for di non-teaching staff

Di issue of payment system after one of di major issue between ASUU and di goment.

NITDA bin say UTAS lack integrity test and di minister also tok say di report of di tripartite committee meeting dis weekend.

E further explain give say di National Salaries, Incomes and Wages Commission (NSIWC) don issue dia amendment circulars.

And dat goment don intensify effort to ensure wage adjustment for lectures.

E add say di Prof. dr. Briggs committee don dey hold tok tok wit university unions dem and dia employer, di Federal Ministry of Education.

E further yarn give say afta dia tok tok dem come up wit sometin for goment to see and make decision on.

Whoa this photo come from, Twitter/@FKeyamo

Wetin we call this picture,

Tori be say since ASUU strike begin all efforts to make lecturers return to classrooms don fail.

Major challenge to end ASUU Strike

One of di major issue wey di block negotiation between goment delegates and ASUU na di payment platform.

ASUU dey insist say goment must use to take pay dem salary.

Di president of ASUU Victor Emmanuel Osodeke say di National Information and Technology Development Agency (NITDA) wey suppose conduct integrity test on di University Transparency Accountability Solution (UTAS) don abandon am even afta dem upgrade di payment platform.

But Minister of Labor and Productvity, Chris Ngige say ASUU dey try prolong di strike by making negotiation impossible.

E explain give say why dem dey insist on UTAS even wen NITDA say e fail integrity test and pipo fit commit fraud on top di platform wey lead to huge moni

“I yarn wit ASUU and NITDA to kontinu the test and see weda dem fit address di lapses and arrive for 100% because na wetin NITDA insists on.

“Dem say dem no go accept 99.9% of vulnerability and integrity test and dat dem no fit take dat kain risk sake of say dem fit hack di payment system”

“ASUU for y now don call off strike becos na wetin dey law took” Ngige explain

Ngige further yarn give say ASUU members shun to attend di meeting wey Prof. Nimi Briggs Committee on Renegotiation of 2009 Agreement put togeda for several time and dat di committee don finish dia work and don sumit dia findings to di ministry of Education.

Leave a Reply

Your email address will not be published.